Um er að ræða hús sem verið er að endurbyggja.

Annars vegar er um að ræða 39,3 fm. íbúð í parhúsi og hinsvegar ca. 22 fm. gestahús.
Búið er að teikna breytingarnar og leyfi fyrir þeim liggur fyrir. Framkvæmdir eru hafnar og búið að rífa minna húsið og taka allt innan úr því stærra og búið að klæða vegg á milli íbúða. Þá hefur lóð verið lækkuð. Allir gluggar og svalahurðir í bæði húsin fylgja.   

Fyrirhuguðum endurbótum er svo lýst af hönnuði: 

Íbúð: Skipulagi hússins verður breytt þannig að stofa, eldhús og inngangur verða eitt rými. Innangengt verður úr alrými í svefnherbergi og baðherbergi. Allir veggir og loft verða endurnýjuð. Lagðar verða nýjar rafmagns og vatnslagnir í íbúðina. Útveggir verða einangraðir með 100 mm steinull, rakasperru, rafmagnsgrind og klæddir með spónaplötum og panel. Allir innveggir verða endurnýjaðir og verða þeim byggðir upp með 75 mm stálstoðum, einangraðir með 75mm einangrun og klæddir með spónaplötum. Gólf á milli kjallara og 1. hæðar verður endurnýjað með 50x200 mm bitum c/c 600. Á neðri brún bita verða settir 21x21 mm listar sem 12 krossviður leggst ofan á. Einangrað verður á milli bita með 200 mm steinull og klætt yfir með rakavörðum 21 mm spónaplötum. Veggur milli íbúða verður klæddur uppundir þakklæðningu og klæddur með eldtefjandi plötum (C-90). Inngangur í húsið verður færður á gafl hússins og verður gamla hurðargatinu lokað og þar settur gluggi. Tröppurnar verða fjarlægðar að hluta og útbúnar nýjar tröppur inn í sitthvora íbúðina eins og kemur fram á uppdrætti. Gluggar verða timburgluggar. Húsið verður upphitað með ofnakerfi. Lagt verður nýtt rafmagn í húsið.

Bakhús: Húsið verður endurnýjað. Mænishæð hússins verður óbreytt og verður steypt ný botnplata. Steyptir verða nýir sökklar undir húsið en núverandi sökklar eru hlaðnir. Botnplata verður 12 cm, járnabundin og steypt. Plasteinangrun í plötu verður 75 mm. Timburgrind hússins verður endurnýjuð og byggð upp með 2x4" í útveggjum en með 2x8" sperrum. Veggir verða einangraðir með 100mm einangrun en 200mm einangrun í þak. Veggir verða klæddir að utan með 12 mm krossvið, 12mm loftunarlistum og timburklæðningu. Klæðningin er svokölluð listaklæðning, líkt og er á Skólastíg 21A. Að innan er gengið frá lofti og veggjum með rakavörn, rafmagnsgrind og klæddir með panel. Gluggar og hurðir eru samskonar og í íbúðarhúsi. Bakhúsið er skráð hjá Þjóðskrá Íslands 16,7 m2 . Eftir breytingar verður húsið 23,7 m2 að stærð. Gluggar verða timburgluggar. Húsið verður upphitað með ofnakerfi. Lagt verður nýtt rafmagn í húsið.
Óskað er eftir tilboðum í eignina.