Einbýlishús á þremur hæðum sem er í byggingu að Sæmundarreit 1 í Stykkishólmi. Í húsinu er gert ráð fyrir tveimur íbúðum. 

Húsið er samtals 236 fermetrar og byggt úr forsteyptum einingum. Á miðhæð og risi er íbúð. Miðhæðin skiptist í forstofu, samliggjandi stofu og eldhús, baðherbergi og svefnherbergi. Í risi er gert ráð fyrir holi, þremur svefnherbergjum og tveimur baðherbergjum.  Á neðstu hæð hússins er gert ráð fyrir íbúð sem skiptist í forstofu, samliggjandi stofu og eldhús, baðherbergi og eitt svefnherbergi. Þá er þvottahús og tæknirými á neðstu hæð. 

Húsið, sem er rúmlega fokhelt,  verður afhent fullfrágengið að utan og með grófjafnari lóð en  að öðru leyti í á því stigi sem það er nú. Raflagnir eru t.d.  komnar í þá veggi sem búið er að setja upp og hitalagnir eru komnar í gólf á neðri hæð. Þá eru öll inntök vegna veitna komin. Sjá nánari lýsingu að neðan. Þá fylgja ofnar og klósettkassar. 

Ásett verð miðast við framangreint en hægt er að semja um að seljandi framkvæmi meira í húsinu. 

Byggingaleyfisgjöld, gatnagerðargjöld ásamt tengigjöldum fyrir heitt og kalt vatn, fráveitu og rafmagn eru innifalin. Skipulagsgjald sem 0,3% af endanlegu brunabótamati.greiðist af kaupendum.

Þar sem húsið er ekki fullbyggt er ekki komið á það brunabótamat né endanlegt fasteignamat. 

Húsin eru staðsett á svokölluðum Sæmundarreit í Stykkishólmi en þangað hafa verið flutt gömul hús og gerð upp og ný hús byggð í gömlum stíl.  
 
Nánari lýsing:
Grafið er niður á fastan jarðveg fyrir húsi og fyllt er með möl, lóð að öðru leyti grófjöfnuð.
Sökklar eru einangraðir að utan með 100mm sökkuleinangrun (plast) og utan á hana kemur klæning að hluta niður með einangrun, undir gólfplötu er einangrað með 100mm gólfplasti, gólfplata er glöttuð.

Útveggir eru forsteypta einingar. Útveggir eru einangraðir með 125mm steinull, burðarkerfi undir klæðningu er álkerfi, klæðning er báruál 0,7mm litur ral 9010 á þakkanti og flasningum, ral 3821 (kaupandi getur haft aðkomu að litavali) .

Þak er tvíhalla með 35° halla 3stk. 40mm loftunarrör eru í hverju sperrubili, sperrur eru 10“ klædd með 21mm þakplötum.  Á þakplöturnar er bræddur þakpappi, 2 lög.  þakrennur eru úr áli og festar utaná þakkant.  Klætt er undir þakkant með bandsögðuðu efni.

Gluggar og hurðir eru ál-tré litur að innan og utan ral 9010.

Handrið á svölum úr timbri.

Fráveitulagnir umhverfis húsið og undir botnplötu eru tengdar við brunna að framanverðu milli húsa ásamt húsi  og tengd fráveitukerfi Stykkishólms.
Gólfhitalagnir eru á jarðhæð í öllum herbergjum. Gert er ráð fyrir fyrir handklæðaofnum á baðherbergjum, lagnir eru lagðar í steypta gólfplötu, staðsettning gólfhitakistu á að vera í þvottahúsi.  Ofnalagnir eru rör í rör  á 2 hæð, steyptar í gólfplötu.  Neysluvatnslagnir rör í rör koma frá staðsettningu tengigrindar að hverju tæki samkv. teikningu lagnahönnuðar, gert er ráð fyrir að deilikista sé í þvottahúsi og á baðherbergi á 2 hæð. Ídráttarrör er fyrir heitan pott.                                                                                                          

Raflagnarrör og rafmagnsdósir eru komin í alla steypta veggi, rafmagnstafla  komin upp og tengd við veitu, lekaliði og vör fyrir vinnulýsingu. Öll rör eru koma niður úr rafmagnstöflu og smáspennu eru tengd, röralögn er í alla útveggi að utan fyrir útiljósum og útitenglum ásamt lögn fyrir tengimöguleika á rafbíl, 3 stk ídráttarrör er lögð að garðlýsingu og heitum potti að ofanverðu húsi og 2 stk ídráttarör framan við hús fyrir mögulega garðlýsingu.
Loftunarrör (ULA) skv. teikningum, með viftum þar sem við á.